അവള്‍ എനിക്കാരായിരുന്നു? ഒരു തരത്തില്‍ പറഞ്ഞാല്‍ എന്റെ കിടപ്പറ സഖി, .അങ്ങനെ ഒരു പ്രയോഗമുണ്ടോ മലയാളത്തില്‍ ,എനിക്കറിയില്ല.
എന്നാണ് ഞങ്ങള്‍ ഇത്രയും അടുത്തത് , എനിക്ക് കൃത്യമായി ഓര്‍ക്കാന്‍
കഴിയുന്നില്ല !എന്തായാലും എത്രയെത്ര രാവുകള്‍!!! എന്റെ കൗമാരകാലത്താണെന്ന്
തോന്നുന്നു.അവള്‍ എന്റെ ജീവിതത്തിലേക്ക് കടന്നുവന്നത്.അവളുടെ മാര്ദ്ധവമാര്‍ന്ന
ശരീരം അതാണ് എന്നെ എന്നും ഭ്രമിപ്പിച്ചത്.ആ ശരീരത്തില്‍ മുഖമമര്‍ത്തി
എത്ര രാവുകള്‍ ഞാന്‍ കിടന്നിട്ടുന്ടെന്നോ..
ഒരു കര്‍ക്കിടക രാവില്‍ കോരിച്ചൊരിയുന്ന മഴയത്ത് ഞാനവളെയൊന്നു
കെട്ടിപ്പിടിച്ചു....ഹോ! അവളുടെ ശരീരത്തിന് എന്തൊരു
മാര്ദ്ധവമാണ്.
എന്റെ ദുഃഖത്തിലും സന്തോഷത്തിലും
അവള്‍ എന്റെ കൂടെയുണ്ടായിരുന്നു.എന്റെ അച്ഛന്‍ മരിച്ച അന്ന് അവളുടെ ശരീരം
എന്റെ കണ്ണീരാല്‍ നനഞ്ഞു . പിന്നീടോരോ വിഷമവും
അവള്‍ ഏറ്റുവാങ്ങുകയായിരുന്നു .എന്റെ വിയര്‍പ്പും കണ്ണീരും ഭാരവും എല്ലാം
അവള്‍ ഏറ്റുവാങ്ങിക്കൊണ്ടിരുന്നു ..അവള്‍ക്കു
കാര്യമായി ഞാന്‍ ഒന്നും നല്‍കിയിരുന്നില്ല ,വിയര്‍പ്പും കണ്ണീരുമല്ലാതെ
...എന്നിട്ടും അവള്‍ ഒരു പരിഭവം പോലും പറഞ്ഞില്ല .കളിയായിപോലും
ഒന്നും പിണങ്ങിയില്ല .
കര്‍ക്കിടക രാവുകളില്‍ ഇടിവെട്ടുംഭോള്‍
അവള്‍ എന്റെ മാറില്‍ ചേര്‍ന്നുകിടന്നു
.എന്തൊരു മാ൪ദ്ധവമാണവളുടെ ശരീരത്തിന്!!
അങ്ങനെയിരിക്കെ ഒരിക്കല്‍ എന്റെ നെഞ്ചില്‍ ചേര്‍ന്നുകിടന്നു അവള്‍
എന്നോട് ചോദിച്ചു
"ചേട്ടന്
എന്നെ ഇത്രഷ്ടാകാന്‍ കാരണമെന്താ"
ഞാന്‍ പറഞ്ഞു
"നിന്റെയാ മാര്ദ്ധവമാര്‍ന്ന ശരീരം തന്നെ"
അവളപ്പോള്‍ ചോദിച്ചു
"എന്റെ ശരീരത്തിന്റെ മൃദുലത നഷ്ടപ്പെട്ടാല്‍
അങ്ങ് എന്നെ ഉപേക്ഷിക്കുമോ?'
എനിക്കുത്തരം പറയാനായില്ല, കാരണം കൂടുതല്‍ മാര്ദ്ധവമുള്ള
ഒരു തലയിണ തലേദിവസം ഞാന്‍ വാങ്ങിവെച്ചിരുന്നു.
Subscribe to:
Post Comments (Atom)
വളരെ നന്നായിരിക്കുന്നു എന്നു പറ്ഞാല് അത് വില കുറചു കാണരുത്. വളരെ വളരെ നന്നായിട്ടുണ്ഡ്.
ReplyDelete