കൂട്ടുകാരെ വിട്ടുപിരിയാന്‍ അവള്‍ക്കു വിഷമമായിരുന്നു. ഇത്രയും വലിയ ആ കൂട്ടത്തില്‍ നിന്നും ഞാന്‍ അവളെ മാത്രം സെലക്ട്‌ ചെയ്തു.ചെറിയൊരു പിടിവലിക്കു ശേഷമാണ് അവള്‍ വഴങ്ങി തന്നത്.അവളുടെ വസ്ത്രത്തിന്‍റെ അരികുകളപ്പോഴേക്കും കീറിയിരുന്നു.തിടുക്കം കാട്ടെണ്ടിയിരുന്നില്ല സാവധാനത്തില്‍ ശ്രമിച്ചാല്‍ അവള്‍ കൂടെ പോന്നെനെ , ഞാനോര്‍ത്തു.ഈപ്പോള്‍ എനിക്കും അവള്‍ക്കും ഒരുപോലെ വിഷമം.ബഷീര്‍ പറഞ്ഞത് പോലെ അരികുകളില്‍ രക്തം പൊടിഞ്ഞിരിക്കുന്നു.ഞാനെന്‍റെ പേനയെടുത്ത് എഴുതാന്‍ ശ്രമിച്ചു.പക്ഷെ അവളുടെ കണ്ണീര്‍ പരന്നതിനാല്‍ എനിക്ക് എഴുതാനായില്ല. അവളെ തിരിച്ചു അവളുടെ വീട്ടിലാക്കാനും മറ്റുള്ളവര്‍ സമ്മതിച്ചില്ല. ഞാനവളെ നിങ്ങളില്‍ നിന്നും കീറിയെടുക്കുകയിരുന്നു എന്ന് പറഞ്ഞിട്ടും അവളെ അവര്‍ തിരിചെടുതില്ല .അവസാനം ഞാനവളെ ചുരുട്ടിക്കൂട്ടി വൈസ്റ്റ്‌ ബസ്കെട്ടിലിട്ടു.
എന്നിട്ട് പുതിയൊരു പേജ് കീറിയെടുത്തു.....
Subscribe to:
Post Comments (Atom)
No comments:
Post a Comment